就是援交

原文摘录   · · · · · · 

• 教師係我夢想 嚟緊我仲話想做教師。雖然我都想做教師嗰陣秘撈嘅。哈哈，即係，暫時計劃上，我始終覺得教師係我夢想囉，即係個priority唔好，first priority應該係教書先。 點解想做老師呢？想改變呢個社會。係！將一啲隱左形，非主流嘅嘢帶返主流囉。我想。係囉……因為我見到我啲同學就知咩事啦，哈哈，好嚴重喎。佢地對性小眾呀，對基層呀，我自己係嗰啲嘢啦，佢地都唔熟悉我，係極度唔熟悉我。有兩層啦：一個係性小眾。呀下，性小眾就佢地知道有呢件事，但係就完全唔知面對緊啲乜嘢啦。文化係啲乜嘢啦，麻煩係啲乜嘢啦，啲歧視係啲乜嘢啦。佢地完全唔知道。嗱，性小眾都分好多種架嘛！性工作佢地就覺得好負面啦，吖，係覺得好慘。係喇，佢地就覺得性工作好慘、好自甘墮落啦，好俾人操縱啦，好污糟啦。我同啲同學私底下傾啦。上啲堂就冇傾。都係呢類啦，即係，傾傾下都咁跟住都有啲改變咁囉。跨性別人士，佢地跟本覺得無呢件事啦，即係佢地覺得m to f嗰啲應該係基佬嚟。佢地個世界好細架，跟住基層嗰啲，佢地覺得……基層就係冇錢行街睇戲食飯啫！哈哈，佢地應該都有錢開飯呀，即係買下衫著下呀，即係，住到呀。即係咁樣囉。即係佢地覺得啲basic need呢，應該無問題嘅。佢地覺得香港係無問題嘅。有架！有問題呀！點樣先食到飯呀，點都要諗辨法架嘛。係好struggle，一番struggle，先至，先至開到飯。重點係講緊，每個月係要煩啲租呀，嗰啲嘢。一個家庭嘅開支係好複雜架嘛。同埋佢地係學生呢，未正式要獨立，咁樣。所以佢地真係唔知。可以完全唔知。 我覺得我呢個經歷係，第日做老師嘅本錢嚟嘅！我都本住等炒嘅精神嚟做架喇，哈哈，即係夢想呢啲，做一兩個月就得啦。哈哈，即係咁講，我覺得，收萬零二萬蚊，又唔使襟住良心嚟做。大吧工可以做到啦。即係，維持生計。優良啲當兩萬蚊喇，咁都可以洗得好輕鬆，好充裕啦。唔，但唔會為左呢啲充裕啲，邢放棄我想令到... (查看原文)

  吳銀兒 2016-03-20 20:42:37