新贵、新动力、新挑战——马嘎尔尼来华背景
【注】本段摘自此书第二章“人类个主人”，主要介绍18世纪英国个心态，上层对商业个心相，以及对打开东方市场个渴望。本身同马嘎尔尼后势来到满清帝国个旅程无直接关系，但好算是蛮重要个背景情况介绍，因此在此地摘录一眼，方便横向理解。
海上霸权一般会让拥有此类霸权个民族产生一种自然个骄傲，因为伊拉可以依靠海权到处欺凌其他人，伊拉认为迭戈权力就同海洋一样，广袤无边。
——孟德斯鸠，1748年
1、同产业搭贸易结合个新兴贵族
在朝世界浪顶古老，面积顶辽阔，人口顶多个帝国航行个路程当中，马嘎尔尼一直想向迭个老大帝国证明一个新个“真理”：英国是“地球上顶强大个国家”，乔治三世是“海上个君主”。在拉伊写下来个信件当中，充斥此类字句。尽管伊也故作礼貌，表示乾隆大皇帝是“东方”世界顶高君王，自家个主君统治西方。弗过，伊前往东方个举动，本身就暴露出迭个称呼完全是一种礼节性让步：东方应当向西方开放，西方统治者个实力同利益作为支撑，声称未来只好有一个世界——一个让伊拉好自由买卖，做生意个世界。
英国人个重商主义传统源远流长，在拉伊丽莎白一世（16世纪）统治阶段，沃尔特·雷利爵士就已经讲：“控制商业个人，就好控制世界个财富，也因此好控制整个世界。”18世纪之后，所有个英国人全记牢歌颂野心个歌词：
Rule Britania,Britannia rules the waves
—— 托马斯·阿恩，1745年
18世纪是英国崛起个年代，顶明显个反应是英国在拉海外殖民地个弗断扩展，拿欧洲各大势力白相在拉股掌之间（所谓“搅屎棍”），更深层次个显现，则是伊拉在拉经济实力高头个迅速增长。
同之前欧洲老牌个“贸易海上强权”（葡萄牙，荷兰）弗一样，英国并弗仅仅扮演一个拿东方奢侈品“倒买倒卖”到西方个二道贩子角色，伊拉在拉生产高头个突飞猛进，让自家拥有之前任何西方势力全弗曾想过个事体——向东方大规模贩卖商品。
在拉迭个世纪当中，供需个复杂游戏让商船运输商品个规模增加5倍，英国境内修造起公路、运河、银行、矿井；瓷器制造同纺织业爆发式发展，手工作坊也一个个冒出来。到世纪后三十年，机器开始出现，工业革命迅速展开，现代意义高头个“工人”同“企业家”开始出现在拉历史个舞台当中。
大企业家一般受人尊敬，有人来拍马屁，并且一般全全获得贵族个头衔。比方将小罗伯特·皮尔或者理查德·阿克莱特。同欧洲大陆弗一样，英国贵族实际个家门全并弗悠久（讽刺个是，1789之后一百年当中，欧洲大陆换血频繁，反倒是一直稳定个英国，现在以“怀旧”同“旧贵族”闻名于世），伊拉交关人个祖辈也只弗过是家道殷实个地方体面人物，即便成为贵族，也对从事经济活动无啥延边或者抵触情绪，一个公爵开挖首批运河，一个爵士打乱土地轮作....英国慢慢较开始出现一个新个特殊阶层，迭个阶层在拉社会地位同经济地位高头全无比强大，并且为英国蒸蒸日上个国力感到骄傲。伊拉个出现是多种作用力个结果，是一个连锁反应。
在拉阿拉个国家，贸易个繁荣引发大家对财富个普遍追求，钞票个地位，已经同知识搭效能等同
——萨缪尔·杰克逊，1759年
当亚当·斯密在拉1776年发表伊个代表作品《国富论》个辰光，伊描绘出一种典型个，欧洲大陆弗好看到个商人——伊拉出生多种多样，伊拉注重实际业务，从来无心向对任何弗曾存在过个抽象组织进行思辨；伊拉在拉道德高头普遍保守，延边欧洲大陆邪气流行个“哲学思辨”（反倒是蛮多英国“旧贵族”对此类启蒙思想还蛮有兴趣）；伊拉忠君爱国，拿自家个奋斗成功同荣耀上帝，报销祖国联系在拉一道。此类特征，全同同一辰光法国沙龙文人为代表个高谈阔论同挥斥方遒相当弗一样。
当英国个老对手法国在拉1793年个弑君同狂潮中当中迅速开始内部破裂，旧贵族瓦解个同一阶段，英国却成功度过考验——伊自家个生产力正在经历另外一场革命，欣欣向荣个工厂，五光十色个产品，又有啥理由让本身就相当满足个社会中坚团体铤而走险哉？
2、“布我国之大能于四海”——期待输出个产业革命新动力（权力）
蒸汽机带来个工业革命一般是后世研究者关注个焦点，并且畀认为是英国好在拉19世纪一跃成为全球第一大势力个关键。但事实上，即便蒸汽机弗曾在拉迭个世纪发明，英国人对海外个扩张也绝对弗会停息，迭个扩张归根结底，是一种商业行为，是通过遍布在拉全球所有大洋高头主要通道浪挤压竞争对手个商船来维持并延伸个。
1790年代个英国是个能个国家：尽管国土面积有限，人口规模弗大，并且刚刚失去北美大部分殖民地，但却因为商品经济、机械化同工业革命取得飞速发展，商业财富个积累，海上势力增强，金融业发达，农业生产能力提高，以及人口个持续增加，相互促进，带来欣欣向荣个景象。弗过假使弗出现新个市场，新个空间，伊拉个拓展终究会碰到极限同瓶颈。1775年，瓦特同鲍顿对乔治三世个能介绍英国应该具备个战略：
Sir, we sell what the word desires:power.
此地个power是一个双关语，一方面可以理解为治成经济个“动力”，另外一方面又好理解成显示英国实力个“权力”。斯密相信，自然之力（或者市场之力）个作用下，供给总好同需求对应，假使需求看上去弗足，个么就是某些人为个因素在拉阻挡自由贸易个畅通。英国个使命同利益，就是维护自由贸易，并且扩大自由贸易个深度同广度。迭个观点，同英国个扩张态度、新贵个切身利益捆绑在拉一道，并且得到大部分工人，渴望参加海外冒险或者皇家海军谋生个老百姓个支持。在拉18世纪后半段英国中上层脑海当中，斯密个想法就是新个“真理”，是迭个开拓进取时代个精神象征。787年，皮特举行盛大晚宴，苏格兰经济学家也应邀参加。英国首相在拉入席辰光朝伊致敬：
请侬先坐，先生，阿拉全是侬个徒弟。
从贸易当中产生个经济爆炸弗会停留在拉岛高头，英国个军舰同商人拿新个商品推向大海，通过一系列个商埠，英国人拿联合王国刚刚问世个批量工业品、纺织品同加工品销售把全世界，商业同工业密切合作，资本家同贸易商合二为一。
虽然讲1780年代初北美十三州个独立对联合王国是一场考验，但前宗主国对美国个出口在之后几年当中顺利恢复起来；在拉东方，英国从17世纪开始就控制孟买、马德拉斯同加尔各答三个商埠，伊拉控制整个次大陆个产品输出，勾勒出一个类似腓尼基同威尼斯式样个帝国雏形——一个依靠贸易网点同强大海军维持，依靠贩卖商品同倾销牟利个商业帝国。1763年，击破法国人同莫卧儿帝国联盟个东印度公司，已经开始布局拿迭个庞大个贸易网络向更加东面个区域延伸，伊拉努力说服荷兰人拿新加坡对面个岛屿让把英国，在更飘渺个大洋洲，第一批英国移民（囚犯）也在拉现今悉尼个位置安顿下来。打开中国个大门，是迭个庞大计划当中个一个部分。
英国开始骄傲哉，个是一个一天天强大起来个民族自信个傲气，伊拉晓得，自家有压抑弗牢个生命力，所有还弗曾畀列强划分瓜分个国境，全是伊拉征服个对象。七年战争胜利之后，戈德史密斯是个能描绘自家个同胞个：
桀骜不驯个目光，举止凌然，我面前走过个，是全人类个统治者”
800万英国人既然已经击破西班牙人、荷兰人、法国人（顺带控制牢“盟友”葡萄牙人），彻底统治全球个海面，伊拉当然就有资格，有机会用一种主人个态度，对统治3亿顺民个满清帝国大皇帝平起平坐，直接对话哉。
“用满清帝国个钱财统治印度”——东印度公司个亏损，以及次大陆殖民个新挑战
现代阿拉讲个“东南亚”同“远东”，在拉哥伦布时代开始，就模里模糊畀叫做“印度”，对英国人来讲，统治印度个“东印度公司”，弗仅仅只负责印度个事务，也有义务帮助国家拓展向更加东方地区开展贸易，方便英国商品出口到更多个国家。
弗过，在拉1780年代初，东印度公司本身个经营问题，更成为英国派出马嘎尔尼使团来华个直接动因。1760年代击破莫卧儿同法国人之后，东印度公司从一个威尼斯式样个商业殖民帝国，迅速朝类似当年莫卧儿帝国，或者满清入关之后个轨迹发展——新成立个总督区需要大量官僚同雇佣本地士兵，让伊拉开支急速增加，各地个印度土王、苏丹、纳瓦布、拉吉普特，对迭个新来者完全弗新人，反抗此起彼伏。1783年，英国刚刚花脱老大个力道才拿法国人煽动个混乱平息下去，公司为此付出巨额成本，亏损巨大，经营承受老大个压力。
公司个弗稳定，牵扯到大部分英国新贵个皮夹子，自然弗好让英国个首脑掉以轻心。1783年，埃德蒙·伯克（后势来保守主义之父）就公开讲：“啥人讲东印度公司弗灵光，就是在拉讲阿拉英国弗灵光”。议会认为，让一个公司统治介多人口同土地是弗可能个，从此开始对公司进行更多个保护，干涉。东印度公司虽然号称私人合伙，但到迭个地步，已经完全成为一个“国营”公司哉。
哪能才好扭亏为盈？扩大市场，推销商品是第一要务。但在拉公司经营范围当中个国家里厢，唯一弗曾打开市场，并且让公司亏损严重个就是满清统治个中华帝国哉。交关人全认为，应该通过对华出口赚取统治印度个资金，用满清帝国个钱财，为公司统治印度。
但现实却是相当讽刺。满清帝国长期对欧洲人闭关锁国，除脱挂钟、小艺术品之外，基本所有英国制造产品全弗任何渠道出口到中国内地。
我想弗出任何一样好让阿拉在拉清帝国获得成功个商品，阿拉啥物事全试过哉。
——东印度公司某经理，18世纪末
弗单个能，从18世纪开始，英国人又开始逐渐在拉贵族圈子当中流行起噄茶个习惯，迭个辰光茶叶还弗曾在拉次大陆广泛引入种植，只好从中国高价购买。由此带来个巨大贸易逆差，非更加让公司个经营雪上加霜。实上，除脱鸦片，别个产品既无途径进入中华帝国内陆，更无办法打开市场。到1787年，伦敦决定，只好通过高级别，国与国个x协议，才好派出此类障碍。
1787年，皮特就同伊个朋友，东印度公司主席顿达斯派遣孟加拉军队当中个英国上校凯恩卡特前往满清帝国，但事体进展相当弗顺利，疾病流行，上校本人也在拉航行过程当中死脱。在拉之后3年当中，迭戈问题一直弗曾解决，直到马嘎尔尼出现，并畀赋予担当代表国王，出使中国个重任。作为一个爱尔兰长大个盎格鲁小贵族，马嘎尔尼先后在拉俄国、加勒比以及印度完成过交关困难个任务。东印度公司个董事同托利党内阁全相信，伊是迭个人物个成功保障。1791年10月，马嘎尔尼正式接受任命，开始长达一年多个准备工作。
