欧洲传统建筑发展脉络概述
从当今法国东南部一直延绵穿过整个瑞士，直抵奥地利维也纳个欧洲之脊【阿尔卑斯山脉】向来是欧洲重要个文明分界线。在拉历史高头，个条难以逾越个山脉两边形成弗同个文化风貌。山南面个地中海世界（南欧）从上古时代开始就收到文明熏陶，并逐渐发展处璀璨个希腊-罗马文明，而山北个日耳曼世界（北欧）原本属于荒蛮个巨大森林地区，要到中古时代罗马基督教化之后，才逐渐发展出具有自家特色个封建-基督教文化起来。
欧洲建筑个风格在这两千多年以来个发展同演变，就同山南山北文化个强势度之间存在相当大个相关性。在拉古典时代，源于地中海世界个古典建筑体系（古希腊式、古罗马式）成为各地建筑个基准。在炎热干燥之地发展起来个希腊城邦，在拉吸取黎凡特-埃及建筑手法个基础高头，通过几百年漫长演变，最终发展出成熟个【柱式】体系，并通过希腊城邦个殖民以及亚历山大大帝东征，在拉【希腊化时代】让此种风格成为环地中海各地个高等建筑范本。
作为后来者个罗马人自公元前140年左右开始控制希腊，讲究实用主义个罗马人，在拉审美高头迅速向希腊靠拢，继承希腊古典建筑个主要元素。作为优秀个工程师同巨大帝国个管理者，伊拉对古典建筑在三个方面进行进一步发展完善：一是发展出穹顶并且完善拱卷结构；二是在拉建筑材料（混凝土使用）以及建筑规格高头创造出前无古人个成就，创造出角斗场同大浴场之类希腊闻所未闻个庞然大物；三是对城市规划设计上高度标准化，并修造引水渠等大型工程。乃朝在拉欧洲各地能够看到个【古典时代建筑】，多数就出自罗马帝国统治个中后期。
弗过，作为古典时代最晚阶段个普世帝国，罗马不可避免在3世纪后走向衰败。往昔畀隔绝在莱茵河-多瑙河以北个各种日耳曼部落大规模涌入边境，不仅深刻改变各地个语言、种族结构，更从生产关系高头对罗马帝国造成愈演愈烈个冲击。作为晚期帝国稳定工具个基督教，在拉迭个过程中成为让新来者同古典文明进行融合个搅拌机。最终，当年个日耳曼人贵族后裔在政治高头形成迥异于罗马个【封建制度】，在拉精神世界高头，则接受【天主教廷】个领导。形成【中世纪】个二元格局。
新个社会形态下，新个新建筑体系逐渐发展出来。山北地区远较地中海寒冷，而教堂建筑强调【围拢信众】，加上当时并弗良好个治安以及城市生活个衰败，让中古早期建筑呈现出迥异于古典时代个风貌。此种建筑虽然叫【罗曼式】，但同罗马帝国鼎盛时期相比，已经有相当大个变化。到11世纪后，欧洲中古时代进入盛期，发端于法国个【哥特式】拿教会建筑中对高挑，神秘个需求发挥到极致，在一两百年当中不仅散播到波兰、匈牙利之类欧洲东部新近皈依个边缘地区，更越过阿尔卑斯山，影响到山南个亚平宁半岛。
然而，这种影响终究是基于古典时代个变体，古罗马个影响一直犹如一股暗流，时隐时现，到15世纪终于喷涌而出。逐渐通过反抗【神圣罗马帝国】而获得自治个亚平宁城邦中，滋生出对古典文化研究个热潮。全才文人吹嘘着古典时代个理性同协调，而建筑作为古典时代最直观的，可见个遗迹，自然而然成为表现伟大复兴个最佳手段。15世纪末到16世纪初堪称意大利历史上最伟大个时代，以佛罗伦萨为代表个城邦不断修造巨大个公共建筑和教堂，替代了原先羸弱不振，受到山北渗透个审美。这种做法既有审美上个天然亲近，也变相表达出伊拉对山北长期干涉意大利各地事务个封建君主个厌恶同反对。
山北地区对于文艺复兴后山南地区在拉审美上个霸权个回馈是【宗教改革】，然而在拉审美高头，伊拉仍然不得不接受古典主义复兴个深远影响。虽然从荷兰到瑞典个乡土建筑，城市民居各有特色，但在拉高阶建筑浪已经无法摆脱之后从文艺复兴开始发展出个各种风格。
在同一阶段，亚平宁陷入长期个意大利战争泥潭，境外大国纷纷加入角逐霸权个行列。法国和西班牙君主接踵而至，文艺复兴城邦在战火当中衰败，订单大幅度减少，幸存个建筑师要么投靠同西班牙-耶稣会等关系密切个罗马教廷，要么随同当时顶顶有权利同财力个欧陆君主——法国国王返回法兰西服务。
在同意大利联系更为密切，对宗教更为看重个伊比利亚半岛，反对宗教改革个热诚让文艺复兴主义催生伊拉对宗教建筑风格个看重同革新。西班牙人成立个【耶稣会】在罗马修造个总部，成为【巴洛克】风格发源个鼻祖。这种风格强调立面变化，视觉戏剧性以及盛大繁复个多彩雕塑，很明显是针对山北各种誓反教强调个【简化仪式、因信称义】所带来个简约审美进行个反制。17-18世纪，耶稣会拿这种风格个教堂带到新大陆个西班牙、葡萄牙殖民地以及菲律宾、印度搭澳门。而在拉山北个交关天主教国家（波兰、奥地利）也以巴洛克风格为主流，修造大量规模宏大个建筑群。
另一方面，在君主全力极大个法兰西，本土有特色个文艺复兴风格建筑同样受到意大利建筑师个影响。发展出新形势，然而同南欧弗同，在君权压制教权个法兰西，新个建筑风格毫无疑问要为君主个世俗利益服务。个就形成【法兰西古典主义】，凡尔赛宫即是此种风格个代表。在拉18世纪，法国个世俗建筑、艺术品全称为全欧洲个标杆，在此阶段，交关欧洲新个大型王宫个修建，或多或少全参考了此种宫苑风格。此种风格也是后来【新古典主义】发展个直接来源（18世纪中欧天主教国家或许是个例外，残留了较多的巴洛克风格）。
同古典风格复兴后个大行其道相比，中世纪建筑体系相形失色，到19世纪初拿破仑时代，伟大个帝国，东方学个发展，对古希腊考古认知个推进，让【新古典主义】到登峰造极个地位，而伴随教权兴衰个巴洛克式，也随1789带来个洪流，基本退出历史舞台。在之后个【维也纳体系】当中，拿破仑个敌人完全继承发扬了古典建筑同封建【正统性】之间个关系。1820-30年代，伦敦、柏林个大型新古典主义建筑修造方兴未艾，甚至超过了同期的巴黎。
吊诡个是，法兰西第一帝国，迭个新古典主义建筑个播种机在征服各地个过程当中，也让民族主义思潮传播开来。浪漫主义同民族主义一改之前数百年中古时代个黑暗描绘，拿古代封建主个故事加入交关浪漫想象。在迭个叙事理念下，【哥特式】弗再是丑陋个代言词，而是往昔美好个象征。由此形成个【哥特复兴式】建筑，在19世纪中叶曾经短暂流行，英国国会大厦同巴伐利亚个新天鹅堡就是此种建筑个典范代表：
然而，时代个发展毕竟已经超出传统建筑能够承载个范围。到19世纪中叶，伴随资本主义发展同城市风貌剧烈转变。原有个实用性建筑风格，越来越难以满足大型生产同运输需要，工业革命后新个建筑材料同修造方法个涌现，不断冲击文艺复兴后欧洲人固有个建筑准绳。到此时期，无论是古典主义还是哥特复兴，都纯粹沦为装饰性艺术需要，折中主义，装饰主义或者【工艺美术运动】中个各种复兴风格虽然能够利用各种古代装饰，修造起看上去老漂亮个建筑，但已经同个辰光个时代思潮愈发脱节。到1910年代，追求简洁高效个新建筑逐渐兴起，并在拉一战之后开始大行其道。传统建筑虽然仍然偶尔会有修造，其地位却日益边缘化。仅有罗马新凯撒，柏林小胡子同莫斯科个C父才会对此表达一些扭曲后个青睐。这种风格高头个模仿，随着几个领袖个毙命而寿终正寝。
二战之后，作为仿古建筑大本营个美国在拉接受大量欧洲新建筑文人（包豪斯等）后，也开始经历剧烈个建筑风格变化。而同期一些即便对传统相当偏好个统治者（西班牙弗朗哥，葡萄牙萨拉查）也不得不与时俱进，适应现代建筑风格。之后个传统建筑仅在1980年代迎来过一轮短暂复兴，当代个西方建筑同传统西方建筑之间在空间和比例上或许还有一些联系，但直观的继承，是已经中断了。
